Путин повика за меѓународна коалиција против тероризмот

Рускиот претседател Владимир Путин денеска упати повик за создавање меѓународна коалиција за борба против тероризмот, дополнувајќи дека за ваквата иницијатива разговарал и со претседателот на САД Барак Обама.

Пред новинарите во Владивосток на маргините на Источниот економски форум Путин дополни дека разговори на оваа тема води и со лидерите на Турција, Саудиска Арабија, Јордан, Египет и други земји.

Путин дополни дека неговата земја ги продолжува политичките напори за формирање коалиција и според првите назнаки неговата иницијатива би можела да се оствари.

Тој уште потенцираше дека Сиријците кои во моментот масовно бегаат кон Европа не бегаат од режимот на Башар ал Асад, туку од „исламска држава“, која окупираше голем дел од териториите на Сирија и Ирак и таму извршува ѕверства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.