Германија: Полицијата застрела напаѓач во Дармштад

Полициски припадници денеска околу пладне застрелале во нога вооружен човек на железничката станица во градот Дармштад, во близина на Франкфурт.

Уапсениот човек носел нож и се обидел да нападне патници по што полицајците почнале да пукаат.

Напаѓачот, кој е префрлен во болница, е на возраст меѓу 20 и 30 години, но засега нема информации за мотивите на нападот. Инцидентот не се поврзува ниту со радикалните структури, ниту со бранот бегалци од Сирија и Ирак, кои минатата недела предизвикаа немири во повеќе германски градови.

Откако напаѓачот им се заканувал на персоналот и на патниците со нож на станицата која е една од најфреквентните во Германија, почнала голема паника, по што интервенирала полицијата, а привремено е запрен железничкиот сообраќај. Низ Дармштад дневно минуваат 220 возови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.