Транспортот на мигрантите се одвива без проблеми

Macedonian police officers control departure of the migrants in the train heeding to the Serbian border

Транспортот на мигрантите од јужната кон северната граница на Македонија во текот на изминатава ноќ и утрово се одвива без проблеми и организирано, беше потврдено на координативниот состанок во Гевгелија. На состанокот беше констатирано дека состојбата на границата е нормална и под целосна контрола на специјалните полициски сили и АРМ.Во прифатниот камп, според проценките на УНХЦР синоќа пристигнале околу 2.000 бегалци кои по задржување од три до четири часа со два вонредни воза заминале за Табановце. Од железничката платформа кај прифатниот камп во Гевгелија утрово кон Табановце заминаа уште два воза со околу 2.000 мигранти.

Прифатниот камп функционира беспрекорно. Во евиденцијата на мигрантите помагаат активисти од граѓанското здружение „Млади правници“, а Здравствениот дневен центар и пунктот на Црвениот крст во кој дневно се даваат по педесетина интервенции, работат деноноќно.

Бројните меѓународни и домашни невладини организации ценат дека бегалската криза е канализирана и дека во магацините има доволно залиха на храна и вода за бегалците. Сепак останува апелот до сите кои сакаат да им помогнат на бегалците да донираат храна и вода затоа што никогаш не се знае во колкав број ќе пристигнат во прифатниот камп во Гевгелија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.