Бан: Треба повеќе да се направи за решавање на кризата со мигрантите

Генералниот секретар на Обединетите нации Бан Ки-мун денеска апелираше до земјите во Европа и во светот да покажат солидарност и да вложат поголеми напори за решавање на кризата со мигрантите.Бан во своето обраќање во француското Министерство за надворешни работи истакна дека илјадници мигранти „преземаат опасно патешествие и не треба да се соочуваат со нови искушение по пристигнувањето“.

– Денес има поголем број раселени луѓе отколку што имало некогаш по Втората светска војна. Во Сирија и од други места милиони луѓе бегаат од насилството и прогонот. Други се обидуваат да избегаат од сиромаштијата и бараат начини да живеат достоен живот, истакна Бан.

Тој наведе и дека треба да се поведе борба против илегалната трговија со луѓе и дискриминацијата, да се изнајдат правни решенија и да се заштитат човековите права.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.