Британската хевиметал-група „Ајрон Мејден“, на 4 септември, ќе го издаде својот нов албум по повеќе од пет години, а в година ќе почне светска турнеа.
„The Book of Souls“ е шеснаесеттиот албум на групата и првиот двоен албум. Веста доаѓа неколку месеци откако вокалистот на групата Брус Дикинсон се излекува од рак на јазикот.
Интересно е дека за светска турнеја „Ајрон Мејден“ ќе користат авион „боинг 747-400 џамбоџет“, кој ќе биде управуван од вокалистот Брус Дикинсон. Групата и нивниот тим ќе имаат повеќе од 12 тони опрема, а концерти ќе има на шест од седумте континенти, без Антарктикот.
Се очекува „The Book of Souls World Tour 2016“ да посети околу 35 држави. Деталите околу точните датуми и распоредот уште се прецизираат.
Почетокот на турнејата е предвиден за крајот на февруари 2016 година во САД. Во Европа концертите ќе бидат од крајот на мај до почетокот на август 2016 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
