Загинатите странци во вчерашниот бомбашки напад во Кабул се американски државјани

Тројца Американци, што работеле по договор за НАТО, се меѓу загинатите во вчерашниот напад со автомобил бомба во центарот на Кабул, соопшти предводената од САД меѓународна коалиција во Авганистан.Со тоа вчерашниот напад, во кој загинаа 12 лица, е еден од најкрвавите за американските државјани во изминатите неколку години.

Во експлозијата се уништени неколку автомобили, вклучително и автобус и оклопно возило, за кои се смета дека биле користени од загинатите воени службеници.

– Американски службеник, што работел по договор за Решителна поддршка загина на самото место, а двајца американски службеници, што работеле по договор за Решителна поддршка починаа од добиените повреди – се наведува во соопштение на коалицијата на НАТО, позната како „Решителна поддршка“.

Нападот беше изврешн пред болница во центарот на Багдад. Меѓу жртвите во експлозијата, најголем дел се авганистански цивили.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.