Традиционално одбележување на празникот Успение на пресвета Богородица на Матка

По повод одбележувањето на православниот празник Успение на пресвета Богородица, кај народот познат како Голема Богородица, во истоимениот манастир во Матка, кај Скопје, во четврток на 27 август ќе биде одржана вечерна богослужба, Духовна академија и полноќно бдеење.

На денот на празникот 28 август, во утринските часови во манастирот ќе се одржи света божествена литургија.

Четврта година по ред еден ден пред празникот во манастирот се одржува Духовна академија. Предвидено е црковно пеење и читање псалми.

Одбележувањето ќе биде збогатено и со културно-забавна програма. Традиционално во дворот на манастирот на празникот по богослужбата се одржува крводарителска акција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.