Голем пожар во Париз: Гори најголемиот музеј на наука во Европа

Голем пожар избил во Музејот на наука и на индустрија во центарот на Париз, најголем европски музиј посветен на науката. Пожарникарите се обидуваат да го стават под контрола, а две лица се повредени.

Пожарот избил околу три часот утрово и брзо се проширил на 10.000 квадратни километри. На местото пристигнале околу 30 противпожарни возила и 120 пожарникари. Двајца пожарникари се повредени за време на гасењето на пожарот.

Огнот избил во делот од музејот што се реновирал. Причината сè уште е непозната. Фигаро пишува дека пожарот зафатил шест нивоа од зградата, а според некои информации зафатени се и изложбената и кино салата во музејот.

Музејот е лоциран во североисточниот дел на Париз во третиот по големина париски парк Ла Вилет и годишно прима по 5 милиони посетители.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.