Во Србија регистриран првиот случај на Западнонилска треска

Во Србија е идентификуван првиот лабораториски случај на потврдена инфекција со вирусот на Западен Нил, објавено е денеска на сајтот на Институтот за јавно здравје „Др. Милан Батут“.

Станува збор за маж од 56 години, од територијата на Јужнобанатскиот округ, кој се наоѓа на болничко лекување.

Инфекцијата првпат меѓу луѓето во Србија е регистриана кон крајот на јули 2012 година, а до почетокот на август во земјите на ЕУ се регистрирани шест случаи на заболување од вирусот и тоа четири во Италија, во Бугарија и во Романија по еден, а надвор од границите на ЕУ во Израел три случаи.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.