Во Македонија откриени три нови вида инсекти

Три нови досега непознати вида водени инсекти се пронајдени во националниот парк „Маврово“, пренесува Мета.

Како што јавува порталот „Балкан риверс“, научниците ги откриле инсектите кои спаѓаат во видовите drusus krpachi, potamophylax lemezes и siphonoperla korab со соработка со Волфрам Граф, доцент на виенскиот Универзитет за природни ресурси и природни науки.

Засега инсектите не се целосно истрaжени, но научниците алармираат дека тие веќе се изложени на ризик од истребување, поради планот на македонската влада за изградба на 22 хидроцентрали во Националниот парк „Маврово“.

– Хидроелектраните, одводот на вода и каптирањето што доаѓа со него, ги изложува овие чувствителни видови, кои живеат на овој локалитет на ризик од исчезнување – вели Волфрам Граф.

Фото: Волфрам Граф

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.