По „Икс-фактор“ е тешко, но се трудам да опстојам на балканската сцена, признава Даниел Кајмакоски во интервју за српското издание на магазинот „Глорија“. Деновиве македонскиот пејач котира високо на сите топ-листи во регионот со новата песна „10 лета“, која е најава за неговиот прв албум.
Кајмаковски вели дека да ја создава својата музика најлесно му оди во неговата родна Струга.
– Таму е мојата куќа во која ги поминав најраните години од моето детство. Баш таму ги напишав најубавите песни. Ме инспирира и Охридското Езеро, таа атмосфера и самото место се засекогаш во моето срце – вели Кајмакоски.
Тој додава дека личноста што посебно го инспирира е Тоше Проески.
– Се восхитувам на начинот на кој Тоше живееше и како својот талент го делеше со другите – вели тој.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
