Денеска е Св. маченик Калиник

Христијанските верници денеска го празнуваат Свети Калиник, кој поради неговиот тежок живот го добил името „маченик“.

Свети Калиник пострада маченички околу 250 година.

Беше родум од Киликија и сѐ беше оставил заради проповедта на Евангелието. Поради тоа и беше затворен во Анкира од некој кнез Сакердон. Овој го принудуваше да им се поклони на идолите заканувајќи се со тешки измачувања, а кога светиот ги презре сите негови зборови, овој го стави на маки.

Трпеливото поднесување на маките од страна на св. Калиник направи многумина да поверуваат во Христа. Кнезот потоа го стави во железни чевли со шајки во нив и го препрати во Гангрија за да го погубат таму, се плашеше од неговото сведоштво пред народот. А во Гангрија, свети Калиник беше фрлен во вжештена печка, во која и погина. А откако огнот згасна, го најдоа неговото тело цело.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.