Оштетени 500 сообраќајни знаци

Во првите шест месеци од годинава на градските улици и булевари се оштетени 500 сообраќајни знаци.

Екипите на ЈП „Улици и патишта“, кои вршат редовни контроли на состојбата на сообраќајните знаци за да се овозможи непречено и безбедно одвивање на сообраќајот, ги санираат и ги исправуваат оштетените знаци, а каде што има потреба поставуваат нови знаци.

Во првите шест месеци од годинава на улиците и на булеварите се поставени 300 нови сообраќајни знаци.

-При редовните контроли е утврдено дека оштетените знаци се бојадисуваат со спрејови, се користат како рекламни табли и на нив се лепи рекламен материјал, се искривуваат, а голем дел од нив се и целосно отстранети, соопштуваат од град Скопје.

Градот Скопје и ЈП „Улици и патишта“ апелираат до граѓаните да ги чуваат и да не ги оштетуваат поставените сообраќајни знаци и да ја почитуваат патната сигнализација со што ќе придонесат за безбедно одвивање на сообраќајот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.