Главоболки и општа слабост поради временските услови

Честа појава на општа слабост, деконцентрација и чувство на тежина во главата, се само некои од симптомите што може да се јават попладнево кај метеоропатите поради временските услови.

Како што соопшти Управата за хидрометеоролошки работи (УХМР), подолготрајни ќе бидат болките од ревматски карактер и тие од артритични промени.

За утре, биометеото прогнозира појава на главоболки, болки во колената, грбот и на вратот, особено попладне. Кај поголем број луѓе можна е општа слабост, а кај некои и чувство на тежина во главата. Во вечерните часови болките од ревматски карактер и тие од артритични промени ќе бидат поизразени.

Според УХМР, денеска попладне ќе има локален развој на нестабилна облачност, проследена со краткотраен пороен дожд и грмежи, особено во западните и јужните делови и малешевскиот регион. Ќе дува слаб до умерен ветер од северозападен правец. Максималната температура ќе биде од 30 до 37 степени, а УВ-индексот 8.

Во Скопје слично време со температура до 35 степени, воздушен притисок 978, релативна влажност на воздухот 39 проценти и средна брзина на ветер три метри во секунда.

Во петок и деновите од викендот ќе преовладува сончево и топло време со мала до умерена облачност. Во попладневните часови ќе има ретка појава на пороен дожд и грмежи, претежно во планинските предели. Поизразена нестабилност се очекува во понеделник.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.