Новата вакцина против еболата, испитана на илјадници заразени во Гвинеја, се покажа како ефикасна заштита во 100 отсто од случаите и би можела да го запре ширењето на смртоносниот вирус, соопшти денеска Светската здравствена организација.
Во соопштението се наведува дека досегашните резултати од тестирањето на вакцината VSV – ZEBOV на повеќе од 4000 лица кои биле во контакт со заразени, покажале ефикасност од 100 отсто, само десет дена по примањето.
Резултатите од испитувањето се „извонредни“ и го менуваат текот на играта, оценуваат здравствените авторитети.
– Веруваме дека светот е на прагот на пронаоѓање ефикасна вакцина против ебола, истакна стручњакот за вакцини при СЗО Мари Паул Кини, на прес-конференција во Женева.
Користењето на вакцината може да помогне при запирањето на епидемијата на вирусот Ебола, кој од декември 2013 година усмрти повеќе од 11.200 лица на западот на Африка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
