Груевски најави нова инвестиција во Велес која ќе донесе 600 вработувања

Нова странска инвестиција во областа на електрониката со 600 вработувања за велешани најави денеска премиерот Никола Груевски.

Тоа, според Груевски, ќе придонесе и за повеќе индиректни вработувања. Лидерот на владејачката партија потсети дека Велес ја доби поддршката на граѓаните за советничката листа и го има мнозинството во Советот, но побара да го поддржат и кандидатот за градоначалник на коалицијата „За подобра Македонија“ Славчо Чадиев бидејќи, само така ќе може да се реализира програмата.

Премиерот напомена дека во програмата на кандидатот за градоначалник за Велес е предвидено реализација на втората фаза од хидросистемот Лисиче и нов сообраќаен режим.

Чадиев, најави дека ќе се довршат индустриските зони  Речани два и Узус и ќе се изгради нова индустриска зона во Каласлари. Во неговата програма предвидено е и реновирање на градскиот стадион, реконструкција на училишта, изградба на покриен градски пазар на две нивоа заедно со трговски центар и реализација на проекти за водоснабдување во селата Срмник, Оризари и Црквино.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.