Концерт на камерениот оркестар на Музичката младина на Македонија

Вечер во црквата „Св. Софија“ во Охрид, ќе се одржи концерт на камерниот оркестар на Музичка младина на Македонија.

Концертот е во организација на Министерството за култура во соработка со Министерството за надворешни работи и фестивалот „Охридско лето“, по повод одбележувањето на македонското претседавање со Централно европската иницијатива (ЦЕИ).

На концертот вечерва (30-ти јули), во рамки на 55-то јубилејно издание на фестивалот „Охридско лето“ камерниот оркестар ќе настапи под диригентската палка на Елена Митревска, а ќе бидат изведени дела од Eдуард Толдра, Јоханес Брамс, Бела Барток и Петар Илич Чајковски.

Централно-европската иницијатива е една од значајните регионални мултилатерални инцијативи формирана пред 26 години. Организацијата обединува 18 држави од Средна и Југоисточна Европа меѓу кои и Република Македонија. Земјите членки на ЦЕИ меѓусебе соработуваат на различни теми од взаемен интерес како на политички така и на економски план.

Република Македонија и официјално стана претседавач со оваа реномирана организација во јануари годинава во период од една година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.