Грците организирано ги праќаат мигрантите преку граница во Македонија

Телевизиски камери ги фатија Грците како организирано ги собираат мигрантите и ги испраќаат преку граница во Македонија. МТВ сними репортажа од граница, во кадар фати како Грците полнат автобус со мигранти.

Дали грчките власти организирано и масовно ги транспортираат илегалните мигранти во Македонија? Автобус преполн со бегалци вчера донел голема група мигранти на северниот дел од границата на Грција и ги растоварил на меѓу граничниот премин со Македонија, каде врие како во кошница.

Многупати досега од објавувани аматерски видеа се гледа дека Грција кренала раце од справување со мигрантите, па оттука напливот на бегалци од Блискиот Исток и Африка кои чекаат да влезат во Македонија од ден на ден се повеќе расте.

Грција уште во февруари годинава, престана да врши евидентирање на имигрантите кои на нејзина територија влегуваат преку море.Иако земјата спаѓа во шенген зоната, нивната рамнодушност за обезбедување на северната граница, на ризик ја изложува Македонија.

26 кампови со илегални мигранти има во Грција, а бројот на бегалци од земјите на Блискиот Исток и Африка кои се сместени таму бори неколку десетици илјади.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.