Полицијата отвори оган на плоштадот Конкорд во Париз

Полицијата во Париз утрово околу 8 часот отвори оган на плоштадот Конкорд врз автомобил кој одбил да запре.

Полицијата е присутна на плоштадот Конкорд и на авенијата Шанзелизе во рамки на обезбедувањето на велосипедската трка Тур де Франс, која денеска пристигнува и завршува во Париз.

Полицајците побарале од возачот на автомобилот да запре, но тој одбил, по што забрзал кон нивна насока и полицајците биле принудени да отворат оган.

Полицијата не успеала да го неутрализира автомобилот, по кој интензивно се трага, а се претпоставува дека возачот е ранет.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.