Карамарко: Хрватска е под закана од „грчко сценарио“

Лидерот на најголемата хрватска опозициска партија Хрватска демократска заедница, Томислав Карамарко, предупреди дека Хрватска е под закана од „грчко сценарио“, доколку продолжат да ја раководат „лажливи левичари и лажливи социјалдемократи“, пренесе Танјуг.

Карамарко изјави дека во моментов ситуацијата во Хрватска е „се друго, само не и добра“.

Тој ја обвини владеачката коалиција, предводена од социјалдемократите, дека за модел на управување ја зела грчката левица, која „многу зборуваше, но на крајот се согласи на сите услови на Европската унија“.

Политиката на хрватска Владата Карамарко ја оцени како политика на „кабинетска левица“, која не ги разбира проблемите на хрватскиот народ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.