Секој петти маж не може да го пронајде клиторисот

Речиси 59 % од мажите не можат да ја пронајдат Г-точката, а 23% од нив се мачат со пронаоѓање на клиторисот. Една третина од нив верува дека жените секој третпат глумат оргазам.

Посилниот пол мисли дека одлично се снаоѓа во спалната соба, но жените не се согласуваат со тоа. Околу 65 % од мажите се фалат со своите сексуални познавања, но 49 % од жените мислат дека имаат уште многу работи да научат, утврди студијата на францускиот производител на еротски играчки Soft Paris.

Речиси 59 % од припадниците на посилниот пол не можат да ја пронајдат Г-точката, а 23 % од нив се мачат со пронаоѓање на клиторисот. Една третина од нив не се снаоѓаат ни со еротските зони и веруваат дека тие варираат од жена до жена. Исто така, 4% од мажите веруваат дека пенетрацијата е важна за уживањето, а исто веруваат 16% од жените, потврди истражувањето.

И покрај тоа, околу 75% од мажите се подготвени да учат за да ги подобрат своите вештини во креветот. Една третина од нив верува дека нивната партнерка секој третпат глуми оргазам, а истото го потврдија дури 16% од жените, пишува „Дејли мејл“.

“Недостатокот од комуникација е виновен за лошиот сексуален живот. Женската сексуалност е комплексна, а мажите никако да ја сфатат. Токму поради тоа работиме на организирање интимни дружења за двојки, на кои партнерите можат да учат за заведување и за секси-трикови“, истакнуваат од компанијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.