Холандија ќе ја замрзнува социјалната помош за лица кои се приклучуваат кон ИД

Холандската Влада предложи замрзнување на социјалната помош и студентските стипендии за оние граѓани кои се приклучуваат кон радикални групи, како што е Исламска држава (ИД), во обид да се ограничи бројот на младите кои заминуваат во воените зони.
Оваа одлука е последна во низата мерки кои се преземени во Холандија. Владите во цела Европа изразуваат загриженост од ризикот нивните граѓани да се радикализираат во странство, а потоа да се вратат и да извршат напади во своите татковини.

– Секој што ќе ја напушти земјата за да се приклучи кон ИД или да се омажи за џихадист ќе се соочи со прекин на негово државно финансирање, се наведува во соопштението на холандската Влада.

Партиите, граѓанските организации и приватните лица во Холандија имаат еден месец да се изјаснат околу овој владин предлог пред тој да стане закон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.