Димовски: Новиот премиер нема да биде функционер од ВМРО ДПМНЕ

По повлекувањето на премиерот Никола Груевски од функција Премиер на негово место нема да застане ниту еден функционер од ВМРО-ДПМНЕ кој во моментов извршува министерска, претеничка или некоја друга значајна политичка функција, туку на негово место ќе застане лице кое не е на таква функција, истакна Илија Димовски од ВМРО-ДПМНЕ во вестите на Канал 5 , кој беше директен учeсник во преговорите во резиденцијата на еврокомесарот Хан.

-Ова е ситемско решение кое што ќе влезе во македонското законодавство и ќе важи не само за овеи избори, туку ќе важи за сите наредни парламентарни избори . Тоа значи дека доколку премиерот кој што бил премиер во претходниот мандат повторно се натпреварува и е прседател на партија, пред избори ќе треба да се повлече во рок од 100 дена. Партијата ќе си постапува врз база на статутарните одлуки да одлучи кој ќе биде тој човек кој што ќе ја ракводи владата во тие 100 дена, но можам да потврдам дека ниту еден функционер од ВМРО-ДПМНЕ на министерска, претеничка или значајна политичка функција која што сега ја обавува нема да биде тоа. Односно ќе биде лице кое што не обавува таква функција – рече Димовски.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.