Од утре нов систем за наплата и следење на автобусите во јавниот превоз во Скопје

Градоначалникот на Град Скопје Коце Трајановски, директорот на Јавното сообраќајно претпријатие- Скопје Игор Јанушев и министерот за информатичко општество и администрација Иво Ивановски, утре ќе го промовираат проектот за воведување систем за автоматска локација на возила и систем за електронска наплата во автобусите на јавниот градски превоз.

Раководството на ЈСП и градските власти очекуваат со примената на системот да се подобри квалитетот на превозот и да се зголеми бројот на патници.

Најавуваат дека ќе се решат клучните проблеми во јавниот превоз со наплатата, контролата на движењето на автобусите и запазувањето на возниот ред, а предност за патниците ќе биде воведувањето еден билет кој ќе важи и во автобусите на ЈСП и кај приватните превозници.

Ќе се овозможи наплата на билет со картички и со мобилен телефон.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.