Велосипедист настрада на велосипедска патека – стазата не е наменета за шетање домашни миленичиња

Момче се здоби со тешки телесни повреди откако вчера, околу 20 часот удри во куче кое заедно со својата сопственичка шеташе на патеката за велосипеди и ролерки на кејот на Вардар во скопски Аеродром. Момчето се здобило со скршеници на лактот на десната рака како и потрес на мозокот и распукана брада.

Тој возел со својот велосипед кога на среде патека му претрчало куче. Удрил во кучето и завршил на асфалтот.

Била повикана екипа на Брза Помош која од патеката момчето го однесе во болница.

Рекреативците кои редовно возат велосипед и ролерки на патеката на кејот на Вардар коментираат дека не е прв пат да се случи ваква незгода. Тие апелираат до сите рекреативци кои не возат велосипеди или ролерки да ја користат горната патека или земјената патека веднаш до Вардар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.