Се венчаа Билјана и Филип на 42. Галичка свадба

Билјана Гегоска (29) и Филип Белчев (26) се венчаа во црквата „Свети Петар и Павле“, во Галичник, на Петровден, како што налага традицијата во овој мијачки крај. Тие беа годинешната двојка на 42. Галичка свадба.

Како одење по корените на предците. Така Билјана и Филип ја чувстуваат традицијата и беа среќни што се дел од најпознатата свадба во која се чуваат и негуваат македонските обичаи и верувања.

Канење на мртвите, канење на кумот, одење по вода, бричње на зетот, строевање на девојката, венчавка во црквата „Свети Петар и Павле“. Сето тоа го поминаа Билјана и Филип. Зурлите пиштат низ Галичник, мајовците свират, публиката на свадбата ужива.

На свадбата и годинава присуствуваа голем број посетители од земјава и од странство. Туристи од Англија, Чешка, Франција, САД и од Австралија воодушевено ја проследија целата манифестација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.