Го убил за да му ја земе пензијата од САД

Во селото Ротино, битолско деновиве бил убиен повратникот печалбар Павле Трајчевски (78).

Маскиран разбојник пред една недела го ограбил и со дрво го претепал Трајчевски во неговата куќа. По неколку дена претепаниот пензионер, како последица од добиените повреди, починал в болница.

„Тој беше здрав човек иако имаше 78 години. Требаше да си умре од природна смрт, а не на ваков начин, претепан од разбојници“, изјави за битолските медиуми Валентина Јошевска, ќерка на починатиот Павле.

Полицијата сѐ уште трага по убиецот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.