„Т’к Так Фест“ годинава на 5 септември

Единствениот македонски демофестивал „Т’к Так Фест“ кој и годинава ќе им овозможи на македонските демо бендови од големата сцена да ја импресионираат македонската публика ќе се оддржи на 5 септември.

– Причината за новиот датум на оддржување на фестивалот кој ја продолжува мисијата на Трајко Каров за промоција на демо бендовите е поклопувањето со традиционалната туристичко-културно уметничка манифестација Тиквешкиот гроздобер 2015“ – велат од организациониот одбор на фестивалот, од каде најавуваат дека многу наскоро ќе биде објавен и финалниот лајнап за годинашното издание на кое покрај минатогодишните победници, суперталентираните Chromatic point, ќе настапат уште неколку интересни имиња од кавадаречката, но и од македонската рок сцена.

Поместувањето на датумот на оддржување на годинашното издание на „Т’к Так Фест“ ќе го пролонгира и датумот за доставување на апликациите за демо бендовите до 28 август. За потсетување, сите демо бендови кои сакаат да се вклучат во трката за Гран При наградата „Трајко Каров“ која се доделува на најдобриот тапанар и која изнесува 30.000 денари и наградите кои вклучуваат снимање во професионалните студија на еминентни продуценти, треба да ги достават кратка биографија за бендот, линк од демо снимки на две авторски песни поставени на приватен „јутјуб“ канал. Должината на една композиција не смее да надминува повеќе од пет минути, а текстот на песните со кои се аплицира треба да биде исто така доставен на следната адреса: tk_tak_fest@yahoo.com.

Во согласност со програмските определби на фестивалот, селекторот и селекционата комисија составена од еминентни и признати рок музичари ќе одлучат кои од пристигнатите апликации ќе бидат прифатени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.