Суперфиналето од десеттата сезона на „Ѕвездите на Гранд“ ќе се одржи оваа недела, 12 јули во АРЕНАТА „Борис Трајковски“ во Скопје.
Како македонски претставници и музички амбасадори, свое место во финалето заслужија и Ален Хасановиќ и Филип Божиновски.
Токму поради овие двајца млади, но многу талентирани пејачи, директорот на „Гранд продукција“ Саша Поповиќ одлучи суперфиналето да биде во Скопје, а на сцената покрај големите ѕвезди од шесточленото жири, доаѓаат и Лепа Брена, но и многу други големи регионални ѕвезди кои ќе ја кренат атмосферата на максимум.
Како потсетување, првата награда во суперфиналето е ексклузивен стан во Белград, втората „утешна“ – автомобил, а сите 10 супер финалисти добиваат песна од „Гранд“ продукција.
Пријателите на Ален Хасановиќ и Филип Божиновски имаат една заедничка цел, клучевите од станот да паднат во рака на македонски натпреварувач.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
