Саудискиот принц ќе донира 32 милијарди долари за добротворни цели

Еден од најбогатите луѓе во Саудиска Арабија принц Алвалид бин Талал денеска на прес конференција во Ријад најави дека ќе донира 32 милијарди долари за добротворни цели преку негови лични фондации, јави ДПА.

Според „Форбс“ Алвалид е најбогатиот човек во богатото со нафта кралство. Принцот, кој има две деца, не најави конкретен рок за својата донација.

„Форбс“, исто така, објави дека Бил Гејтс дал 28 милијарди долари од богатството за доброволни цели, а Ворен Бафет 23 милијарди долари.

Двајцата Американци во 2010 година ја оснваа „Гивиг плеж“ иницијативата, која има за цел да ги убеди најбогатите луѓе во светот да дадат поголем дел од своите пари за доброволни цели.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.