Женската кошаркарска репрезентација на Србија го освои златниот медал на Европското првенство што се одржа во Унгарија.
Во финалето Србинките ја совладаа селекцијата на Франција со 76-68 и направија големо изненадување, со оглед на тоа дека не беа меѓу главните фаворити за медал пред почетокот на натпреварувањето. За нив ова е прв медал на ЕП од осамостојувањето.
Со триумфот на ЕП, репрезентацијата на Србија обезбеди и директно учество на Олимписките игри во Рио де Жанеиро.
Избраничките на селекторот Марина Маљковиќ одиграа одличен меч, а фантастична партија имаше Ана Дабовиќ, која постигна 25 поени и беше прогласена за најкорисен играч на финалето. Зад неа со 22 поени беше Соња Петровиќ.
Бронзениот медал го освои Шпанија со победа од 74-58 над Белорусија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
