Груевски: До 10 илјади евра за секој млад земјоделец

–Владата годинава ќе исплати 1.340.00 евра, односно по 10 илјади евра за секој млад земјоделец со цел да ги стимулира младите кои сакаат да отпочнат сопствен земјоделски бизнис- најави денеска лидерот на ВМРО-ДПМНЕ и премиер Никола Груевски.

На годишната конференција на Унијата на млади сили на ВМРО-ДПМНЕ, Груевски истакна дека договорите за годинава се склучени и оти останува земјоделците да ги реализираат планираните инвестиции и да ги достават документите до Платежната агенција за да им бидат вратени во целост инвестираните средства до 10 илјади евра.

– Ова е одлична можност за луѓето кои сакаат да започнат со производство и добра можност за отпочнување на сопствен земјоделски бизнис. Продолжуваме со истата мерка и следната година со апел, што повеќе млади луѓе кои сакаат да ја искористат оваа мерка да се информираат и вклучат- нагласи Груевски пред членовите на Унијата на млади сили на ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.