Филмот „Далеку од луѓето“ од 25 јуни само во „Синеплекс“

Филмот е снимен во манирот на вестерн, според кусиот расказ „Гостинот“ на егзистенционалистот Алберт Ками.

Во филмот настапуваат Виго Мортенсен, Реда Катеб и Џемел Барек. Според филмската критика, се издвојуваат режијата, врвната игра на Мортенсен и Катеб и прекрасната фотографија, но и музиката на Ник Кејв и на Ворен Елис.

Оелхофен нѐ пренесува во Алжир во 1954 година на почетокот од антиколонијалното востание за ослободување и ја следи приказната и моралните дилеми на учителот Дару (Мортенсен), Европеец од франкофонско потекло, роден во Алжир, кој е задолжен од зафрленото место во кое предава географија да го пренесе арапскиот фармер Мохамед (Катеб) во најблискиот град каде што го чека судење за убиство на негов роднина и извесната смртна пресуда.

„Далеку од луѓето“ минатата година на Филмскиот фестивал во Венеција има освоено 3 награди, меѓу која и за најдобар филм.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.