Ан Брасер: Миграцијата не е предизвик, туку феномен, таа нема да исчезне

Ан Брасер, претседателката на ПССЕ, повика на поголема солидарност и споделување на одговорностите во однос на товарот на бегалците.

– Ние мора да разбереме дека Европа се соочува многу помалку со еден предизвик отколку од феномен. Оваа разлика е важна, предизвик е нешто што треба да се надмине и да се реши. Ова со што се соочуваме денес е феномен. Феноменот може да предизвика повеќе или помалку сериозни тешкотии, но тој нема да исчезне – рече претседателката на на ПССЕ.

Таа побара од сите членови на ПССЕ еднаш кога ќе се вратат во нивните земји, во нивните парламенти, да ја потхранат дебата за миграција, како што веќе побарала во писмото упатено до претседателите на парламентите.

Ан Брасер во своето обраќање на летната сесија на ПССЕ во Стразбур ја критикуваше состојбата со човековите права во Азербејџан, каде што, според неа, критичките гласови се замолчени и политички активисти се затворени.

Коментирајќи ги првите Европски игри што се одржаа во Баку, таа се запраша дали ситуацијата е компатибилна со идеалите на Олимписката повелба и на вредностите и стандардите на Советот на Европа и изрази надеж дека дебатата за функционирањето на демократските институции во Азербејџан ќе придонесе за подобрување на состојбата.

Во врска со кризата во Украина, претседателката на ПССЕ рече дека состојбата со човековите права е алармантна.

– Има извештаи за сериозни повреди на човековите права во областите погодени од конфликтот, за неказнивоста на оние кои не ги почитуваат човековите права, безбедноста на новинарите е далеку да биде гарантирана и кршењето на меѓународното хуманитарно право континуирано продолжува од сите страни – изјави таа.

И покрај договорот за прекин на огнот, непријателствата се шират кон исток, стапката на смртност се зголемува и бројот на раселени лица се зголемува, додаде таа.

Претседателката на ПССЕ, исто така, изрази длабока загриженост во врска со крајно загрижувачка ситуација во Крим, каде што има случаи на апсења, малтретирање, тортура и заплашување против политичките противници кои продолжи да бидат пријавувани.

– Ние, се разбира, сме свесни за комплексноста на предизвикот. Ние сите го знаеме многу добро, суштинско значење на улогата на Русија во оваа криза за да се стави крај на војната и изнаоѓање трајно решение. Исто така, како продолжение на нашата одлука од јануари, ќе се фокусираме на верификацијата на руската делегација на Собранието – рече таа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.