Педесет и петгодишниот параглајдерист Рон Ашуан од Израел денеска го загуби животот кај прилепското село Врбоец.
Според јавниот обвинител Мимоза Мрмеска, која заедно со полицијата врши увид на местото на несреќата, трагедијата се случила околу 13 часот кога група параглајдеристи вежбале за меѓународен натпревар кој треба да се одржи утре.
– Параглајдеристот полетал од Крушево. Групата тренирала за утрешниот натпревар. Од засега непознати причини параглајдеристот паднал кај селото Врбоец и починал на местото на несреќата. Ќе се изврши обдукција за да се утврдат причините за смртта, рече Мрмеска.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
