Американската Влада сака во наредните три години од индустриски преработена храна речиси во целост да ги исфрли трансмасните киселини кои се поврзуваат со срцеви заболувања.Управата за храна и лекови (ФДА) го заврши истражувањето во 2013 и заклучи дека делумно хидрогенизираните масла кои се главен извор за вештачки трансмасти во производството на храна „не се општо признати за сигурни“ за човечка употреба.
Новите правила им даваат рок од три години на производителите да се усогласат и да ги исфрлат таквите масти од производите.
Делумно хидрогенизираните масла ја прават храната постабилна и се користат за да го продолжат рокот на траење на производот.
Етикетите со ознака за трансмасни киселини во САД се задолжителни од 2006 година.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
