Градскиот дувачки оркестар в сабота, со почеток во 11 часот, во Градски парк во Скопје ќе одржи параден концерт. Парадниот концерт со познатите чекорници ќе почне од платото пред ресторанот „Томче Софка“, движејќи се низ Градски парк кон фонтаната „Лотосов цвет“.
Членовите на оркестарот ќе ги изведат делата Патриотска чекорница, Младинска чекорница, Вардаре македонски, Дикси парада, Вашингтон пост марш, 3 Mакедонска бригада, Во спомен на Ваташа, Огномет на слободата, Работнички и За сите деца.
Градскиот дувачки оркестар е составен од членови, главно професионални музичари, како и студенти на Факултетот за музичка уметност во Скопје.
Досега, има настапувано на речиси сите значајни манифестации, државни празници, најразлични настани, давајќи им свечана нота на истите. На репертоарот на оркестарот се наоѓаат дела на Добсшески, Милер, Харисон, Макартни, Леј, Моцарт, Андерсон, Манквина, Верди, Штраус, Ленон…
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
