Повеќе од 23 илјади лица избегале од Сирија во соседна Турција во периодот од 3 до 16 јуни, соопшти денеска Високиот комесаријат на ОН за бегалци (УНХЦР) потпирајќи се на податоците добиени од турските власти.
Портпаролот на УНЦХР, Вилијам Спиндлер, изјави дека повеќето од тие бегалци се Сиријци кои побегнале од борбите меѓу ривалските оружени групи кај пограничниот град Тел Абјад, но и дека меѓу нив има 2.182 Ирачани од Мосул, Рамади и од Палуџа.
– Персоналот на УНХЦР соопштува дека повеќето од бегалците се исцрпени и уморни како и дека дошле носејќи со себе само по неколку работи. Некои оделе со денови – соопшти тој на брифингот во Женева.
Во Турција во моментот се регистрирани повеќе од 1,7 милион сириски бегалци, потенцираше Спиндлер.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
