Двајца помлади тинејџери ги загубија рацете во напади на ајкула на иста плажа во сојузната американска држава Северна Каролина, предупредуваат американските медиуми. Станува збор за 12-годишно девојче и 16-годишно момче, кои биле нападната во попладневните часови во неделата на плажата во Оак Ајленд. На девојчето му е ампутирана подлактицата, а докторите стравуваат дека може да остане и без нога, додека на момчето му е ампутирана целата рака.
Нападите се одиграле на меѓусебна оддалеченост од три километра, и интервал од час и половина.
Градоначалничката Оак Ајленд, Бети Волас вели дека девојченцето го спасил маж кој ги слушнал нејзините крици и допливал до неа. Жителите за локалните медиуми велат дека во областа нападите од морски кучиња се многу ретки.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
