По целодневни разговори во Брисел за изнаоѓање решение за надминување на политичката криза во Македонија, во официјалното соопштение на Европската комисија се вели дека разговорите биле „отворени и детални, но не доведоа до конечен договор“, како и дека политичките партии мора веднаш да го исполнат договореното од средбата на втори јуни во Скопје. „Ова е од суштинско значење за земјата да направи каков било напредок на евро-атлантскиот пат“, се наведува во соошпштението кое го пренесуваме во целост.
„Комесарот за европска соседска политика и проширување Јоханес Хан, се сретна денес во Брисел со лидерите на четирите најголеми политички партии во поранешна Југословенска Република Македонија за да ги продолжат разговорите за изнаоѓање на решение за политичката криза во земјата. Беа присутни и Иво Вајгл, пратеник во Европскиот парламент, шефот на Делегацијата на ЕУ, амбасадорот на САД во Скопје и генералниот секретар на EEAS.
Разговорите беа отворени и детални, но не доведоа до конечен договор. Европската унија ги повикува сите страни – во интерес на својата земја и нејзините граѓани – да се најде траен политички компромис без одложување и излезе со конкретни предлози за оваа цел, изграден на договорот веќе стигнат во Скопје на 2 јуни. Обврските за реформите содржани во неа, со кои се обврзаа сите партиски лидери мора да се спроведат веднаш. Ова е од суштинско значење за земјата да направи каков било напредок на евро-атлантскиот пат.
Европската комисија сега ќе се разгледа како најдобро да придонесе за политичкиот процес во земјата и останува подготвена да ги олесни дискусиите“- се вели во официјалното соопштение на Европската комисија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
