Во кумановската населба Тоде Мендол, каде што пред еден месец се одвиваше полициската акција за разбивање на вооружената терористичка група, од денеска се работи на замена на канализациската и водоводната мрежа.
Директорот на ЈП „Водовод“, Горан Стојковски информира дека средствата за овој проект се озбезбедни од Општината и од Министертвото за животна средина и просторно планирање, а изведувач е јавното претпријатие.
– Се надеваме дека за две недели ќе бидат завршени градежните работи на терен на улицата „Перо Илиевски“ – информираше Стојковски.
Жителите на ова населено место бараат од локалната самоуправа и од Владата да помогнат преку формирање тело за вадење на потребната документација, која ќе биде неопходна кога ќе завршат процедурите и кога ќе се почне со санацијата на оштетените објекти.
Посочуваат дека покрај од институциите, помош добивааат и од граѓаните. Ги очекуваат официјалните информации од процените на штетите.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
