Иванов на Самит на претседатели во Будва

Македонскиот претседател Ѓорге Иванов учествува на Самитот на претседатели на процесот Брдо – Бриони, кој се одржува во Будва.

Проширувањето на Европската унија, инфраструктурните проекти и енергетската безбедност се дел од клучните теми на годинешниот состанок на лидерите на „Брдо-Бриони процесот“.

Предвидено е претседателот Иванов да учествува на работната вечера на земјите-членки на „Брдо-Бриони процесот“, да има обраќање на пленарната сесија на Самитот и да оствари средби со претседатели од регионот.

На состанокот, покрај претседателот Иванов ќе учествуваат и претседателите на Црна Гора, Филип Вујановиќ, на Австрија, Хајнц Фишер, на Хрватска, Колинда Грабар – Китаровиќ, на Словенија, Борут Пахор, на Србија, Томислав Николиќ, на Албанија Бујар Нишани, на Kосово, Атифете Јахјага, како и претседавачот со Претседателството на Босна и Херцеговина, Младен Иваниќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.