Руската компанија „Пејнет“ пристигна во Македонија

Руската компанија „ПејНет’ продолжува да ја шири својата мрежа на Балканот. Нејзината најнова инвестиција „ПејНет Македонија“ (PayNet Macedonia) го носи на пазарот најсовремениот систем за брза и ефикасна наплата на сметки преку платежен терминал. Мрежата на терминали веќе е поставена и системот функционира 24 часа дневно, 365 дена во годината.

Преку терминалите за брза наплата ќе може да се плаќаат сметките за водовод и канализација, радиодифузна такса, мобилната и фиксна телефонија, за кабловска телевизија и интернет од операторот „Уан“ и од „Близу“ како и за плаќање на јавни давачки – такси, казни и даноци.

Терминалите на „ПејНет“ веќе се поставени во централните градски подрачја, а подоцна ќе бидат поставени и во руралните области.

ПејНет овозможува плаќање првенствено со готовина директно на терминалот, но се нуди опција и за безготовинско плаќање. Најголемиот дел од услугите се без провизија.

Концептот за брза наплата преку терминали најпрвин е воспоставен во Русија во 2000-2001 година. Денес, оваа индустрија во Русија вбројува над 1 милион платежни терминали преку кои се процесираат повеќе од 3.500 различни услуги. Освен во Русија, терминалите за брза наплата се популарни и во повеќе од 15 земји, а овој концепт во последниве 5 години е присутен и во регионот, односно во Бугарија и во Србија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.