Малолетничка од Гостивар испила „доместос“, итно пренесена на скопските клиники

Шеснаесетгодишно девојче од Гостивар вчера вечерта било донесено на Ургентното одделение во гостиварската болница откако се затрула со неутврдена количина средство за хигиена „доместос“.
– Девојката, која била во неконтактибилна состојба, половина час пред тоа во својот дом испила вакво средство и поради влошената здравствена состојба, а по укажаната лекарска помош, со медицинско возило итно е префрлена на скопските клиники – информираат од СВР Тетово.

Полицијата ги расветлува сите поединости поврзани со труењето – дали сама го испила средството или некој ја наговорил или ѝ го подметнал, односно дали станува збор за обид за самоубиство или нешто друго.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.