Конзумирањето суплементи на витамин Д може да помогне во борбата против вишок на килограми, покажуваат резултатите од истражувањето на италијански научници.
Истражувачите од Универзитетот во Милано во период од шест месеци набљудувале околу 400 испитаници со вишок на килограми кај кои е потврдена многу ниска концентрација на витаминот Д во крвта.
На крајот од набљудувачкиот период е утврдено дека повеќе килограми загубиле испитанците кои пропишаната диета ја комбинирале со земање на дополителен витамин Д.
Претходни студии веќе покажале дека недостигот на витамин Д е поврзан со поголем ризик за дебелеење и здравствени проблеми предизвикани од вишокот на килограми.
Витаминот Д се произведува во организмот по изложеноста на кожата на сончеви зраци, а присутен е во млекото и млечните производи, јајцата и риба, како што е туната и лососот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
