Договорот со Кипар ја поскапи нафтата

Кипар постигна договор со меѓународните кредитори, кој предизвика раст на цената на нафтата на светските берзи денеска.

На њујоршката берза, нафтата поскапи за 52 центи и достигна цена од 94,23 долари за барел. Нафтата „брент“, која се користи за одредување цени на различни типови нафта, порасна за 62 цента достигнувајќи 108,30 долари за барел.

ЕУ, ЕЦБ и ММФ постигнаа договор за финансиска памош за Кипар. Кипарскиот претседател Никос Анастасијадис го прифати спасувачкиот пакет, со обврска Кипар да почне реструктуирање на двете најголеми банки поради што најмногу ќе страдаат оние кои на сметки имаат повеќе од 100.000 евра.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.