Променливо облачно и свежо време

Времето во Македонија ќе биде променливо облачно и свежо со умерен дожд низ Повардарието и засилен северен ветер. Претпладне во западните и во јужните делови ќе има и услови за повремен локален дожд.

Утринската температура ќе се движи од пет до 14 степени, а дневната од 14 до 21 степен.

Во Скопје времето ќе биде променливо облачно, свежо и ветровито. Утринската температура ќе се спушти до 11, а дневната ќе се искачи до 18 степени.

Од петок ќе преовладува сончево време со мала до умерена локална облачност. Утринската температура в петок и в сабота ќе биде релативно ниска за овој период од годината и ќе се движи меѓу три и 11, додека дневната ќе биде во постепен пораст, така што в недела ќе се движи од 23 до 30 степени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.