Добил отказ бидејќи со години објавувал лажни репортажи

Еден новинар од Канада добил отказ бидејќи со години објавувал лажни репортажи. Франсоа Биженг бил вработен во медиумската куќа „Квебекор“.

Весникот „Преше“ објавил дека репортажите на Биженг од Либија, Сомалија и Босна и Херцеговина, кои ги објавувал во последните 20 години се комплетно лажни.

Покрај тоа, како што наведува тој весник, Биженг неодамна признал дека никогаш не бил во Мисурати во Либија, од каде потпишал една репортажа.

Канадскиот новинар, изјавил дека е вџашен од обвинувањата и дека секогаш објавувал „проверени и потврдени“ информации. Здружението на новинари од Квебек, земајќи ја предвид тежината на обвинувањата , побарал Франсоа да биде сослушан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.