Поради изведување градежни работи, од денеска во наредните две години целосно ќе биде затворена за соообраќај делницата кај Свети Николе на потегот од 28 километар до 38 километар до постојаната клучка Кадрифаково. Сообраќајот ќе биде целосно пренасочен преку регионалниот пат П 1204.
Автомото-сојузот на Македонија информира дека градежното друштво „Гранит“ АД Скопје РЕ Свети Николе-Штип изведува градежни работи за градба на магистралниот пат А4 , делница Свети Николе – Штип од 26+396,00 до км 47+107,00. Сите активности се во согласност со одобрението за привремен режим на собраќај бр.1005 од 28 мај 2014 година издадено од Министерството за транспорт и врски.
Сообраќајот на сите државни патишта се одвива по суви коловози. АМСМ препорачува внимателно возење, приспособена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде што е можна почеста појава на одрони.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
