Уште еден скандал на Милица во „Икс-фактор“

Осумнаесетгодишната Милица Лојиќ oд Бања Лука синоќа не настапи со својата група „Анџелине“ на првиот концерт во живо на „Икс-фактор“. Од продукцијата не дадоа објаснување што се случи, ниту, пак, некој воопшто ја спомна. Како да не ни била дел од музичкото шоу.

Се работи за девојката која во фазата на регрутниот камп го налути Жељко Јоксимовиќ. Тој прво ја избра да биде дел од неговиот тим на девојки, но потоа два пати ја исфрли.

Подоцна Тончи Хулиќ ја зеде во својот тим и ја направи дел од групата „Анџелине“. Во фазата во домовите на судиите четирите девојки добија зелена карта за финалето, но синоќа на сцената излегоа само три од нив.

Според коментарите на форумот на „Икс-фактор“ , Милица наводно самата се откажала од натпреварувањето поради обврските на училиште.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.